అమెరికా అధ్యక్షుడు డొనాల్డ్ ట్రంప్, ఇజ్రాయెల్ ప్రధాని బెంజమిన్ నెతన్యాహూతో తన సంబంధాలపై ఆసక్తికర వ్యాఖ్యలు చేశారు. ఇద్దరి మధ్య సాధారణంగా మంచి సంబంధాలు ఉన్నప్పటికీ, ఇటీవల కొన్ని అంశాలపై విభేదాలు తలెత్తినట్లు వెల్లడించారు.
లెబనాన్లో ఇజ్రాయెల్ చేపడుతున్న సైనిక చర్యలపై ట్రంప్ అసంతృప్తి వ్యక్తం చేసినట్లు సమాచారం. ఈ విషయంపై జరిగిన ఫోన్ సంభాషణలో నెతన్యాహూతో తీవ్రంగా మాట్లాడినట్లు ఆయన అంగీకరించారు.
తాజా పరిస్థితుల నేపథ్యంలో ఇజ్రాయెల్ చర్యలపై తన అసహనాన్ని వ్యక్తం చేస్తూ, నెతన్యాహూ నిర్ణయాలపై కఠిన వ్యాఖ్యలు చేసినట్లు అంతర్జాతీయ మీడియా కథనాలు పేర్కొంటున్నాయి.
మధ్యప్రాచ్యంలో ఉద్రిక్త పరిస్థితులు కొనసాగుతున్న వేళ ట్రంప్ చేసిన ఈ వ్యాఖ్యలు ప్రపంచ రాజకీయాల్లో చర్చనీయాంశంగా మారాయి. అమెరికా–ఇజ్రాయెల్ సంబంధాలపై కూడా వీటి ప్రభావం ఉండొచ్చని విశ్లేషకులు భావిస్తున్నారు.