పల్నాడు జిల్లా పోలీసు శాఖలో కీలక పరిణామం చోటుచేసుకుంది. జిల్లా ఎస్పీ కార్యాలయంలో స్పెషల్ బ్రాంచ్ (SB) సీఐగా విధులు నిర్వహిస్తున్న బండారు సురేష్‌ను వీఆర్‌కు పంపిస్తూ ఉన్నతాధికారులు ఆదేశాలు జారీ చేశారు.
ఇటీవల పలువురు టీడీపీ ఎమ్మెల్యేలు సీఐ సురేష్‌పై ఫిర్యాదులు చేసినట్లు సమాచారం. జిల్లాలోని కొందరు వైసీపీ మాజీ ఎమ్మెల్యేలతో ఆయన సన్నిహితంగా వ్యవహరిస్తున్నారనే ఆరోపణలు వెలువడ్డాయి.
ఈ ఫిర్యాదుల నేపథ్యంలో ఉన్నతాధికారులు వ్యవహారాన్ని పరిశీలించి, సురేష్‌ను వీఆర్‌కు పంపినట్లు తెలుస్తోంది. ఈ నిర్ణయం జిల్లాలో రాజకీయ, పోలీసు వర్గాల్లో చర్చనీయాంశంగా మారింది.
అయితే ఈ ఆరోపణలపై సీఐ సురేష్ లేదా పోలీసు శాఖ నుంచి అధికారిక స్పందన వెలువడాల్సి ఉంది.