జనసేన పార్టీ రాజ్యసభ అభ్యర్థిగా ప్రముఖ పారిశ్రామికవేత్త లింగమనేని రమేశ్ పేరు దాదాపు ఖరారైనట్లు రాజకీయ వర్గాల్లో చర్చ జరుగుతోంది. ఈ అంశంపై పార్టీ అధినేత, ఉప ముఖ్యమంత్రి పవన్ కళ్యాణ్ ఇవాళ సాయంత్రం అధికారిక ప్రకటన చేసే అవకాశం ఉన్నట్లు సమాచారం.
కూటమి తరఫున రాజ్యసభ స్థానాల కేటాయింపులో భాగంగా జనసేనకు లభించిన స్థానానికి లింగమనేని రమేశ్ పేరును పార్టీ పరిశీలించినట్లు తెలుస్తోంది. వ్యాపార, సామాజిక రంగాల్లో ఆయనకు ఉన్న అనుభవం, పార్టీకి అందించిన సహకారం వంటి అంశాలను పరిగణనలోకి తీసుకున్నట్లు సమాచారం.
అధికారిక ప్రకటన వెలువడితే జనసేన నుంచి రాజ్యసభకు వెళ్లే తొలి నాయకుల్లో లింగమనేని రమేశ్ ఒకరిగా నిలవనున్నారు. ఈ నిర్ణయంపై పార్టీ శ్రేణుల్లో ఆసక్తి నెలకొంది.